Sosialy

Manakambahiny Tratra ambodiomby ilay mpamaky trano

Sosialy
Talata 10 Martsa 2020

Lehilahy iray no tra-tehaky ny polisin’ny boriborintany faharoa namaky trano tetsy Manakambahiny ny alahady teo tamin’ny 10 ora maraina.

Nahazo antso tamin'ny finday ny polisy fa misy olona miisa 3 mamaky trano ao amina tokantrano iray etsy Ambanidia. Tsy niandry ela fa 10 minitra taorian'io antso io dia tonga teny an-toerana ny polisy avy ao amin'ny boriborintany faharoa. Vokany, tratra ambodiomby ny lehilahy iray, 21 taona raha efa tsy hita kosa ny namany miisa roa. Mbola tratra teny amin'ity jiolahy ity ny finday miisa roa sy solosaina entin-tanana iray nangalariny. Marihina fa teo am-pivoahana ny trano no tra-tehaka ity jiolahy ity raha efa lasa kosa ny namany. Raha ny fantatra dia gourmettes volafotsy miisa 2 sy peratra volamena iray ary tablette iray no lasan'ireo jiolahy roa lahy tafaporitsaka. Mitohy ny fanadihadiana.

Pati