Sosialy

Mampihinana ny maloto Tovolahy 3 tratra nanarato teo Anosy

Sosialy
Alakamisy 07 Aprily 2022

Tovolahy kely miisa 3 no tratra nanarato tondro maloto tetsy amin'ny farihin'Anosy ny 03 Aprily lasa teo. Vao omaly Alarobia ihany koa dia tovolahy iray no mbola tratra nanao izany izay marihina fa ten mampihina-maloto olona.

Raha tsiahivina mantsy dia rano maloto avy ao amin'ny hopitaly Hjra no mivarina ao amin'ny farihin'Anosy. Toraka izany koa ireo toeram-pivoahana sy rano maloto avy amin'ny tokantrano manodidina ankoatra ny maloto hataon'ny sasany. Efa nosamborina moa izy 4 mirahalahy ireto. Miantso ny mponina eny amin'ny manodidina mba hampandre azy araka izany ny polisy monisipaly raha vantany vao mahita mpaka trondro na mpanarato eny amin'iny faritra iny. Ny laharam-pinday 0344210533 na ny 0344967256 no hahazoana azy. Marihina moa fa mankarary ary mety hitera-doza ho an'ny fahasalamana mihitsy ny fihinana trondro maloto raha araka ny fanazavan'ny mpitsabo.
Pati
Legende : Santionany amin'ireo tovolahikely !