Sosialy

Mamely ny aretin-kibo sy ny kohoka Mitombo ireo olona manatona dokotera

Sosialy
Alakamisy 31 Oktobra 2019

Mahazo vahana eto amintsika ny aretin’ny fandevonan-kanina toy ny aretin-kibo sy ny vavony tato anatin’ny tapa-bolana

izao. Toraka izany koa ny aretin’ny taovam-pisefoana izay mahazo ny sokajin’olona rehetra. Betsaka ny olona voany raha araka ny fanazavan’ny mpitsabo iray izay vokatry ny loto sy hafanana eto an-drenivohitra ankehitriny. Raha enina isan’andro ireo marary noraisiny teo aloha dia tafakatra sivy izany. Ho an’ny aretin-kibo dia nomarihiny manokana fa vokatry ny fisotroana rano maloto noho ny hafanana be loatra no antony. Toraka izany koa ny composé, ovy endasina, nem…. indrindra fa ireo nampiasana menaka efa notehirizina elabe sy ny maionezy atodim-borona. Mila mitandrina ny tsirairay, hoy hatrany izy. Ho an’ny sery sy kohoka ary ny gripa manokana moa dia nomarihiny fa vokatry ny rivotra maloto no mahatonga azy ireny ka mety sy tsara ny manalavitra ireo toerana feno fako miparitaka sy misy fofona maimbo, indrindra ho an’ny ankizy madinika.

Pati