Sosialy

Mama françoise mpitaiza kamboty eny Ankadilalana Nindaosin’ny fahafatesana, namela kamboty marobe

Sosialy
Alakamisy 08 Aogositra 2019

Nindaosin’ny fahafatesana koa i Mama Françoise ilay renim-pianakaviana be fitiavana mpanao asa soa mitsinjo ireo mahantra sy kamboty eny Ankadilalana sy Mahamasina.

Ny fiandohan’ny volana jolay lasa teo nandritra ny fametrahana fehezam-boninkazo teo amin'ny vavahadin'ny kianjan'i Mahamasina no nahitan’ny ankamaroan’ny olona azy farany, fandraisana anjara mavitrika nataony ho fahatsiarovana an'ireo namoy ny ainy vokatry ny fifanosehana hijery fampisehoana ny harivan'ny 26 jona lasa teo...Tompon-kevitra tamin'io fametrahana voninkazo io ny tarika Rossy sy ny SYKA (Sendikan'ny Artista) raha tsiahivina notronin’ny tale jeneralin’ny OMDA. Nentin'i Mama Françoise teny an-toerana nandrehitra jiro sy nitondra fehezam-boninkazo tamin’izany ireo zaza kamboty tezainy ao Ankadilalana, izay marihina fa kamboty tanteraka ankehitriny.

Pati