Sosialy

Malagasy nody an-tanindrazana 7 tamin’ireo 800 tonga no voan’ny Coronavirus

Sosialy
Alakamisy 03 Septambra 2020

Na dia efa manao fitiliana aza ireo tera-tany Malagasy tavela tany ivelany tonga mamonjy fodiana eto an-tanindrazana dia mbola misy ihany ireo fantatra fa mitondra ny tsimok’aretina Covid 19.

Miisa 7 tamin’ireo 800 tonga no fantatra fa lasibatr’izany tsimok’aretina izany taorian’ny fihibohana nampanaovina azy sy ny fanamafisana tamin’ny alalan’ny fitiliana. Izany indrindra no antony nanaovan’ny Ministeran’ny raharaham-bahiny fanaraha-maso akaiky azy ireo miaraka amin’ny Ministeran’ny Fahasalamam-bahoaka. Efa nasaina nitsabo tena nanatona ireo ivon-toerana tokony hikarakara azy moa izy 7 ireo raha ny fantatra. Na izany aza dia mitohy hatrany ny fampodiana ireo teratany Malagasy tavela any ivelany. Tsy maintsy manao fitiliana hatrany anefa izy ireny mialohan’ny hiaingany any amin’ilay toerana nahatavela azy izay izy tenany ihany no miantoka ny saran’ izany. Sidina avy any Frantsa indray no andrasana ho avy eto amintsika ny 06 septambra ho avy izao.

Nangonin’i Pati