Sosialy

Malagasy mitrongy vao homana 2.000 Ar no iaretana adin’ny folo

Sosialy
Sabotsy 02 Febroary 2019

Anisan’ny asa tena kely karama indrindra ny varotra anana nefa tena be mpanao tokoa. Lohalaharana amin’izany ireo ray aman-dreny efa misotro ronono tsy mahatakatra ny maka anana amin’ny sobika na amin’ny gony fa tsy maintsy miantoka.

Tsy betsaka anefa ny vola hampiasainy fa 6.000 Ar monja miaraka amin’ny voatabia sy ny tongolo. Tsy maintsy asiana vadiny ny anana hamidy, hoy i Bebe Rasoa etsy Ampasika fa tsy mahavelona raha anana fotsiny. 1.500 Ar na 2.000 Ar isan’andro ny vola entiny mody hamelomany ireo ankohonany nefa tonga eny an-tsena manomboka amin’ny 7 ora maraina ary tsy miala raha tsy amin’ny 6 na amin’ny 7 ora hariva. Amin’ny 5 ora maraina ihany koa anefa dia efa tsy maintsy manenjika tompon’anana eny an-tsaha. Nomarihin’i Bebe Rasoa fa tsy misy mpividy ny anana indraindray ka tsy maintsy andrasana harivariva. Somary nihalafo ihany koa izy tato ho ato ka aleon’ny olona mividy voamaina sy ovy.

Pati