Sosialy

Malagasy avy any Eôrôpa Nisy 274 tafaverina an-tanindrazana omaly

Sosialy
Zoma 28 Aogositra 2020

Nigadona omaly teny amin’ny seranam-piaramanidina Ivato ireo teratany Malagasy miisa 274, tavela tany Eôrôpa talohan’ny nikatonan’ny sisintanin’i Madagasikara noho ny valanaretina coronavirus.

Ny fiaramanidin’ny kaompania nasionaly Air Madagascar no nitondra azy ireo an-tanindrazana. Araka ny fepetra napetraky ny fanjakana ny 10 aogositra teo, dia tsy maintsy manao fitiliana PCR avokoa ny mpandeha rehetra teo ampahatongavana teny Ivato. Ahiboka avy hatrany amin’ny toerana efa voatokana handraisana azy izy ireo aorian’izay, miandry ny valin’ny fitiliana Covid-19.

Jean D.