Sosialy

Malagasy 26 nihazo an’i Kaomoro Nogadraina ary nogiazana ny antontan-taratasiny

Sosialy
Alatsinainy 02 Septambra 2019

Tsy hanaiky lembenana fa hitory ny fianakavian’izy 26 mianaka kely, teratany Malagasy nihazo ny Nosy Kaomoro andro maromaro lasa izay raha nandeha sambo niala tao Mahajanga.

Vao tonga tany izy ireo dia nogiazana avokoa ny antontan-taratasy, nasaina nandoa vola, ary napetraka tamina trano iray ka nogadraina nandritra ny valo andro. Tsy mahazo mivoaka izy ireo raha tsy hanao maloto nefa zaza amam-behivavy avokoa ny ankamaroany. Raha araka ny fanazavan’ny fianakavian’izy ireo hatrany anefa dia ara-dalàna avokoa ny antontan-taratasiny toy ny VISA, ny pasipaoro…. Efa naverina nody aty Madagasikara moa izy 26 mianaka ireto raha ny vaovao farany. Miantso ny hisian’ny fifampiresahana eo amin’ny fanjakana malagasy sy fanjakana Kaomoriana ny fianakavian’ireto olona nanana olana ireto.

Pati