Sosialy

Mahitsy sy Mahamasina Nahatrarana entana efa simba maro teny an-tsena

Sosialy
Alakamisy 27 Oktobra 2022

Nitety ireo mpivarotra mpamongady sy mpaninjara ny entana ilaina amin’ny andavanandro tamin’ny toerana maro ny ekipan’ny Ministeran’ny varotra eto Analamanga omaly.

Nampahatsiahivina ireo mpivarotra ny tokony hanajany ny lalàna mifehy ny varotra. Hitohy amin’ny « Andro iray hanentanana sy hanabeazana ny daholobe » misehatra amin’ny raharam-barotra any amin’ny kaominina Mahitsy ny hetsika ato ho ato. Ny tsenan’i Soamanatombo sy Mahamasina eto an-drenivohitra kosa no notsirihan’ny mpanara-maso tamin’ny alatsinainy 24 oktobra lasa teo. Nahatrarana ronono mandry amin’ny boaty efa simba mantsy teny an-toerana ka nampahafantarina ireo mpivarotra ny fepetra tokony horaisiny. Natao sava hao ireo entana hafa sasany noho izany ka nasaina nalan’ireo mpivarotra avokoa ireo entana hita fa simba. Ankoatra ny ronono moa dia anisan’ny tena atahoran’ny olona amin’izao ireo karazana ody ambavafo ho an’ny mpianatra efa lany daty toy ny bisikoitra sy ny sokola.
Nangonin’i Pati