Sosialy

Mahajanga Nitokona ireo mpirotra trondro

Sosialy
Alarobia 12 Oktobra 2022

Nitokona vao maraina omaly ireo mpivarotra trondro ao Mahajanga. Noravan’ireo polisy monisipaly tamin'ny 3 ora maraina mantsy ny toeram-pivarotan'izy ireo.

Maro tamin’ireo mpivarotra noho izany no tezitra mafy noho ny fikitikitihana ny velon-tenany izay tsy nisy fampiomanana akory. Nisy ny fihaonan’ny tompon’andraikitra tamin’izy ireo araka izany ka nitohy hatramin’ny omaly hariva ny fihaonana nentina nitadiavam-bahaolana. Nisy araka izany ny tapaka ho marimaritra iraisana niarahana tamin'ireo solontenany mpivarotra. Tsy ho tafiditra ao amin'ny bazary fitim avokoa mantsy ny mpivaro-trondro rehetra. Mbola misy toerana malalaka hafa afaka hampidirana azy ireo eny amin'ny bazary Tsaramandroso sy Marolaka. Hizara telo araka izany izy ireo. Nifanaraka ny roa tonta fa tsy azo atao intsony ny mivarotra trondro amin'ny côté bain douche noho ny lafiny ara-teknika izay mety hitera-doza. Lohalaharana amin’izany ny lafiny ara-pahasalamana ary ny lafin’ny fifamoivoizana.
Nangonin’i Pati