Sosialy

Madagasikara Mbola ezaka be ny fampananan’asa ny tanora

Sosialy
Alatsinainy 02 Desambra 2019

‘Nisokatra tamin’ny fomba ofisialy tamin’ny sabotsy lasa teo ny seraben’ny asa andiany fahatelo tany amin’ny distrikan’i Farafangana faritra Atsimo Atsinanana izay natrehan’ny minisitry ny asa ny fampananana asa, ny asam-panjakana ary ny lalàna sosialy,

Gisèle Ramampy. Hetsika natao hanampiana ireo tanora malagasy amin’ny fitadiavana sy ny famoronana asa amin’ny alalan’ny fanofanana sy ny fizarana traikefa ary ny fanomezana ireo torolalana rehetra amin’ireo sehatr’asa maro isankarazany izany. Mbola olana ny fampananan’asa ny tanora eto Madagasikara ary maro hatrany ny mivenjivenjy sy misehatra amin’ny asa tsy mifanaraka amin’ny filazam-pahaizana. Mifanindry an-dalana amin’izay anefa dia lazaina fa anisan’ny nanome lanja ny asa mendrika ny firenena Malagasy araka ny nambaran’ny Talen’ny biraon’ny Fikambanana Iraisam-pirenena ho an’ny Asa (OIT) eto Madagasikara. Antony handraisana anjara amin’ny fivoriana faha-14 amin’ireo firenena 54 mpikambana ao anatin’ny Birao Iraisam-pirenena ho an’ny asa (BIT) aty Afrika. Hofaritana ho amin’io fivoriana an-tampony io ny hoavin’ny asa mendrika ny 10 taona manaraka.

Tsirinasolo