Sosialy

Lehilahy mpanararaotra Vehivavy mamo sy tsy nahatsiaro tena no naolany

Sosialy
Alatsinainy 04 Janoary 2021

Lehilahy iray tratra nanolana vehivavy mamo tao amina elakelan-trano ka saika niharan'ny fitsaram-bahoaka.

Tokony tamin'ny 5 ora hariva, tratra ambodiomby nanolana vehivavy mamo teo Andrefambohitra Ampitatafika izy io. Raha ny fanazavan'ireo nanatri-maso dia notereny ilay vehivavy amin'ny fahalemeny ka nanararaotiny nanaovan'ny filan-dratsiny. Tratran'ny manodidina ity lehilahy ity na dia mbola nandà mafy fa tsy nanao na inona na inona aza. Ilay vehivavy kosa tsy nahatsiaro tena ary dia nitanjaka tapany ambany. Nanomboka vory ny olona nijery ny zava-nisy. Soa kosa fa nisy ireo solontenan'ny fokontany sy ny kaominina nandamina ny raharaha noho ny hatezeran'ny vahoaka mandra-pahatongan'ny zandary mba tsy hisian'ny fitsaram-bahoaka.Tonga moa ny zandary fotoana fohy taorian'izay ka nasain'ny fokonolona nibaby an'ilay vehivavy mankany amin'ny tobin’ny zandary ilay lehilahy ary natao teo am-bavany ihany koa ilay silipo ho toy ny aro vava.

Marigny A.