Sosialy

Lanaky ny dia an-tongotra Vehivavy nitondra zaza nitsirara tsy nahatsiaro tena

Sosialy
Alatsinainy 10 Janoary 2022

Vehivavy iray no mitsirara tsy nahatsiaro tena intsony kanefa niaraka tamin'ny zanany vao enim-bolana monja no sendra hitan'ny Polisy avy amin’ny CSP 8 nanao fisafoana

tetsy amin'ny lalam-baovao Rocade eny Andranobevava omaly alahady. Namonjy azy mianaka avy hatrany ireto Polisy ary tamin'izany no nahafantarana fa lanaky ny hanohanana sy sy havizanana ny Renin'ilay Zaza ka nahatonga azy tsy nahatsiaro tena intsony. Nilaza izy fa nandeha an-tongotra avy any Andriampamaky ho any Anosizato rehefa noroahan'ny rafozany hiala ny trano ary hody hamonjy ny fianakaviany. Nitsetra azy mianaka ireto ny Polisy avy ao amin'ny kaomisaria Analamahitsy ary niantoka ny sakafo atoandrony mba hahafahany mahazo hery indray. Naterina teny amin'ny toeram-piantsonana mihazo an'Anosizato indray izy aveo ary niantohana ny saran-dalany hahafahany namonjy ny fianakaviany.

Toky R