Sosialy

Lalam-pirenena faha-5 sy faha-44 « Tsy mbola nanomboka izany ny asa ! »

Sosialy
Alatsinainy 13 Janoary 2020

Namita iraka nijery ifotony ny lalana nolazaina fa efa vita tany amin’ny RN5 sy RN44 ny RMDM,

raha ny tatitra nataon’ny mpikamban’ity rodoben’ny mpanohitra ho an’ny demokrasia eto Madagasikara ity, Gaby Vakiniadiana. Nahita maso izahay fa ny vato fanombohana ny asa ihany hatreto no mipetraka ho an’ny lalam-pirenena faha-44. Tsy misy lalana vita ao fa olona manao tranon’ny sinoa izay lazaina fa tranon’ny banky iraisampirenena no misy ao. Na ny lalana nisy tao taloha aza tsara lavitra, hoy ity mpanolotsaina eo anivon’ny RMDM ity. Tsy mbola manomboka ny asa, herintaona aty aorian’ny fampanantenana. Ho an’ny lalam-pirenena faha-5 dia eo amin’ny 90 km no mampitohy an’i Toamasina sy Fenoarivo Atsinanana fa ny lalana « Béton » tapatapaka dia 4km195m. Ankoatr’izay dia lalana faran’izay ratsy tsy azo aleha no misy any.

J. Mirija