Sosialy

Lalam-pïofanana lalàna Mbola tena mahaliana ny mpianatra

Sosialy
Alarobia 13 Novambra 2019

Anisan’ny lalam-piofanana mbola tena mahaliana ireo tanora mpianatra vao afa-panadinana Bakalôrea amin’izao ny lalàna.

Toraka izany koa ny transit et douane izay mahakasika ny famoahan’entana eny anivon’ny fadin-tseranana. Tsy latsa-danja amin’izany ny fandalinana ny teny anglisy hahafahana manao mpandika teny, indrindra fa ho an’ireo maniry ny hiasa any amin’ny tany mandroso toa an’i Sina. Tsy hatao ambanin-javatra ireo lalam-piofanana ireo ho an’ny sekoly ambony ISSUP etsy Behoririka. Anisan’ny nampidirina ao anatin’ny lalam-piofanana vaovao vao nosokafan’izy ireo mantsy ny transit ankoatra ny lalam-piofanana lalana sy gestion et management efa nahafantarana azy ireo hatramin’izay. Amin’ny 28 novambra ho avy izao no fidirana ho an’ny taom-pianarana vaovao 2019-2020. Nambaran-dRamiandrisoa Rabary, filoha mpanorina ny sekoly fa miezaka hatrany izy ireo tsy ho tara amin’ny fivoaran’ny toetr’andro sady manampy ny mpianatra ho tena fanohitra ho an’ny fampandrosoana tokoa rehefa vita ny fianarana.

Pati