Sosialy

La Réunion kely Raikitra ny fanadiovana, an-jatony no very fihinanana

Sosialy
Alakamisy 13 Aogositra 2020

Olona an-jatony no very asa tanteraka nanomboka ny Alatsinainy teo vokatry ny fikatonan’ny lalana ampitan’ny La Réunion kely ambadiky ny Ministeran’ny Atitany iny. Anisan’izany ireo mpivarotra vy, kapoaka, finday, kojakojan-tokantrano tonta, lamba, sakafo masaka….

Raha araka ny fanazavan’izy ireo dia hatramin’ny nisian’ny fihibohana tanteraka no nanakatonan’ny tompon’andraikitra ity lalana ity noho ny antony tsy fantatra. Rehefa navelan’ny Filoham-pirenena mba hiasa anefa ireo mivelona eny an-toerana dia mbola mikatona ihany ilay lalana. Nisy ny fanatonan’izy ireo ny Ministeran’ny Atitany araka izany saingy tsy hitan’ireo olona an-jatony ireo ihany koa izay tena tompon’andraikitra. Manao antso avo amin’ny Fitondram-panjakana sy ny Ministeran’ny Atitany izy ireo araka izany ny mba hanokafana ity lalana ity hahafahany mivelona toy ny teo aloha. Tsiahivina moa fa misy mpivaro-boninkazo ihany koa tapaka fivelomana noho ny fikatonan’ity lalana ity.

Pati