Sosialy

La Réunion kely Mitaraina amin’ny hafanana sy ny fofona ny mponina

Sosialy
Talata 09 Novambra 2021

Tafiditra ao anatin’ny vanim-potoanan’ny hafanana tanteraka isika ankehitriny. Anisan’ny tena mitondra faisana ao anatin’izany ireo mipetraka amin’ny trano vy toy ny iainan’ireo mponina etsy La Réunion kely Ampefiloha.

Amin’ny atoandro raha araka ny fanazavan’izy ireo no tena mampamaivay ny hafanana izay mila tsy ho zakan’ireo kilonga madinika sy zokiolona. Ankoatra izay hoy ireo mponina dia mila tsy ho laitra ihany koa ny fofona sy ny lalitra. Saika amin’iny moron’ny lakan-drano iny avokoa mantsy no manao maloto ny ankamaroan’ny mponina noho ny tsy fananana toeram-pivoahana. Misy trano fivoahana ho an’ny daholobe ihany eny an-toerana saingy 100 Ar ny mivalan-drano indray mandeha monja….Vokany, manahy mafy ny amin’izay mety ho toe-pahasalamany ny mponina. Notsiahivin’izy ireo aloha fa mbola tsy nisy tratry ny valan’aretina Covid 19 izy ireo saingy anisan’ny aretina matetika mpahazo azy ireo kosa indrindra fa ny ankizy madinika ny aretin-kibo izay mampanahy be ihany amin’izao vanim-potoanan’ny hafanana izao.
Pati