Sosialy

Krizin-drano sy kere any Tsihombe Mamerina mamatsy rano ny UNICEF

Sosialy
Alatsinainy 24 Oktobra 2022

Ho fiatrehana ny tsy fahampian-drano vokatry ny haintany mahery vaika any amin’ny distrikan’i Tsihombe dia manohana ny Minisiteran’ny Rano ny UNICEF ary mamerina ny famatsian-drano vonjimaika amin’ny alalan’ny kamiao

sy mizara fitaovana fanadiovana ho an’ireo fianakaviana any an-toerana, araka ny fampahafantarana nataony. Tokantrano miisa 138 ao amin’ny Kaominina Nikoly no voalohany nahazo izany fanohanana izany. Tena mahery vaika ny haintany sy ny kere any Atsimo, ary efa tena mamono olona, raha ny fanamarihana. Vao andro vitsy moa izay no efa naneho hevitra tao amin’ny tambajotran-tserasera ny Minisitry ny rano teo aloha Ladislas Adrien Rakotondrazaka fa mahatratra 7000Ar isaky ny bidon 20L ny rano any amin’ny distrikan’I Tsihombe, izany hoe manome 350 000Ar/m3, raha toa mividy 415 Ar/m3 ny “Tranche” voalohany ary 1155 Ar / m3 ny “Tranche” faharoa ho an’ny tanàn-dehibe misy Jirama. Rano tonga anaty robinet anaty trano io vidiny mora io, fa ny 7000 Ar/20 litatra ilay manome 350 000 Ar/m3 dia mbola tsy ao anaty trano, hoy io minisitra teo aloha io.
Toky R