Sosialy

Krismasy fifampizarana Nanampy ireo zaza sahirana ny fikambanana FAFA

Sosialy
Alatsinainy 26 Desambra 2022

Tsy misy manana ny ampy fa sambatra izay mifanampy. Nizara vatomamy sy bisky ho an'ireo Zokiolona sy ankizy avy amin'ny fianakaviana sahirana teny amin’ny Fokontany Morarano,

Alarobia, Androhibe ary Soavimasoandro Antananarivo Renivohitra ny fikambanana Fampandrosoana ny Faritanin'Antananarivo na FAFA, tarihin'i Fafah Xavier omaly. Io no hetsika voalohany nataon'ny fikambanana taorian'ny nijoroany andro vitsy lasa izay sady nentiny nanamarihana ny Krismasy 2022. Entina manampy ny Malagasy mpiray tanindrazana mandalo fasahiranana ny fikambanana FAFA, hoy i Fafah Xavier. Santatra ihany ny hetsika omaly hoy ity farany fa ny manetsabe mbola ho avy.
Jean D.