Sosialy

Kilalao mampidi-doza eny an-tsena Ankizy telo no efa nampidirina hopitaly

Sosialy
Talata 18 Jona 2019

Ahitana karazana kilalao mampidi-doza miparitaka eny an-tsena amin’izao ankatoky ny fankalazana ny fetim-pirenena 26 jona izao.

Zaza telo samihafa no kendan’izany ka voatery naiditra tao amin’ny hopitaly CENHOSOA eny Soavinandriana ny herinandro teo. Araka ny fanavazan’ny sampandraharaha misahana ny aretina tsy mifindra eo anivon’ny minisiteran’ny fahasalamam-bahoaka dia latsaky ny enin-taona avokoa ireo zaza ireo, nifanesy naiditra hopitaly tao anatin’ny telo andro. Kenda avokoa izy ireo ary tsentsina ny taovam-pisefoany vokatr’ilay kilalao nolalaoviny. Mety hitarika fandidiana amin’ny tratra ny fampiasana ity kilalao ity raha sanatria ka tafiditra any anaty tenda sy tratra ilay singa madinika ao anatiny, raha ny fantatra hatrany. Miantso ny ray aman-dreny ho mailo sy ireo tompon’andraikitra isan-tsokajiny voakasika ny minisiteran’ny fahasalamam-bahoaka. Narahin’ity sampandraharaha iray ity torohevitra ho an’ireo ankizy efa mampiasa ity kilalao ity ka sanatria tojo olona ny fanambarana navoakan’izy ireo. Fady ny mikapoka lamosin’ilay ankizy, ny miandrandra be, ny misotro rano, ny manainga tanana ambony ary ny manao bouche à bouche. Entina haingana manatona hopitaly kosa ilay zaza.

Pati