Sosialy

Kere any Ambovombe Androy Manamafy ny tolo-tànana ny tafika

Sosialy
Alarobia 25 Novambra 2020

Mitohy hatrany ny andraikitra raisin'ireo miaramila mandrafitra ny BMM amin’ny

hetsika Vonjy taitra manoloana ny kere any Atsimo. Ankoatra ny fitandroana ny fandriam-pahalemana ankapobeny dia mirotsaka an-tsehatra any ifotony ireo mpitsabo miaramila ao Ambovombe Androy mifanome tanana amin'ny mpitsabon'ny Minisiteran'ny Fahasalam-bahoaka manao fizaham-pahasalamana maimaim-poana ny mponina ary mizara fanafody araka izay misy eo am-pelatanana. Misy ihany koa ny fizahana ny fahasalaman'ny ati-vava sy ny nify. Ankoatra izay, mitohy ny fanisana ireo mponina hahitana ireo tena marefo ahafahana mamonjy azy ireo. Tsy ataon'ireo miaramila ambanin-javatra ny fiambenana sy ny fiarovana ireo toerana hitobian'ny fanampiana sy ny toeram-pizarana izany, hoy ny fampitam-baovaon'ny tafika.

Toky R