Sosialy

Karaman’ny mpiasan’ny ACM tsy voaloa Ho vahana amin’ny resaka tamberim-bidy

Sosialy
Talata 24 Aogositra 2021

Manoloana ny olana mianjady amin’ny sampan-draharaha misahana ny fitaterana ana habakabaka eto Madagasikara na ACM dia nihaona

tamin’ireo solontenan’ny mpiasa eo anivon’izany sy ny Randrana sendikaly tetsy amin’ny minisiteran’ny fizahantany etsy Tsimbazaza omaly ny minisitry ny fitanterana sy fizahantany, Tinoka Roberto. Nahitam-bahaolana izany, hoy ny avy eo anivon’ny solontenan’ny ACM ao anatin’ny sendika SVS, isan’ireo rantsana anaty Randrana sendikaly. Eo koa ny fiaraha-miasa hanavotana ny ACM sy ny sehatry ny Aeronotika manontolo. Manomboka anio dia efa hisy ny fiaraha-miasa eo amin’ny ministera sy ny ACM izay nanomezan’ny minisitra toky ny amin’ny fanarenana ny ACM sy ny fanavotana azy mba haka indray ny sehatra efa nananany teo anivon’i Afrika sy eo anivon’izao tontolo izao. Ny vahaolana hita moa dia efa misy ny amin’ny resaka “redevance” ho karakarain’ny minisitra izay tsy azon’ny ACM hatramin’izay. Rehefa mipetraka izay tamberim-bidy na “redevance” izay tsy hisy intsony ny olana satria fantantsika fa na mihidy aza ny sisintany dia nitombo be ny “Cargo” tao anatin’izay COVID 19 izay, hoy hatrany ny fanazavana. Araka ny fampahafantarana natao moa dia 2 volana izao no tsy nandray karama ireo mpiasan’ny ACM.
J. Mirija