Sosialy

Karama farany ambany 200 000 Ar Mihatra amin’ny faran’ny volana mey ho an’ny orinasa maro

Sosialy
Zoma 10 Mey 2019

Samy manana ny fomba fiasany ny ankamaroan’ireo orinasa tsy miankina eto amintsika taorian’ilay fanapahan-kevitra noraisin’ny fitondram-panjakana sy ny sendikan’ny mpiasa ary ny vondron’orinasa

ny amin’ny fampiakarana ho 200.000 Ar ny karama farany ambany indrindra. Ho an’ireo orinasa tsy miankina maromaro nanaovana fanadihadiana dia saika amin’ity faran’ny volana mey ity avokoa ny ankamaroan’izy ireo vao hampihatra ny azy. Na izany aza anefa, hoy ny tale jeneralina orinasa iray dia mbola mafimafy ihany ny fanatanterahana izany izay mitaky asa mafy sy ezaka avy amin’ny mpiasa ihany koa fa tsy mandeha ho azy. Ho ana orinasa tsy miankina vahiny iray nanaovana fanadihadiana indray dia fantatra fa saika nanemotra ny fandraisana ireo mpiasa sasany nokasainy hatao mpiasa raikitra izy ireo, raha ny fitarainana avy amin’ireo mpiasa. Nisy tamin’ireto farany mantsy rehefa nahavita fianaran’asa telo volana no mbola nampitomboiny ho enim-bolana indray noho ny tahotra ny handoa ilay karama farany ambany 200.000 Ar. Tsy betsaka anefa io vola io raha atao ny kaonty. Tsy ampy hiainana olona telo mianaka iray volana raha mandany vary tapa-gony 35.000 Ar isam-bolana, saribao iray gony 20.000 Ar, hofan-trano 100.000 Ar amin’ilay tsizarizary, miampy jiro 20.000 Ar sy saram-pianaran’ny mpianatra. Efa tsy tadifitra intsony ny laoka hilaofana isan’andro sy ny saran-dalana.

Pati