Sosialy

KAOPERATIVA MANERANA NY NOSY Manana 45 andro hanaovana ny antontan-taratasiny

Sosialy
Zoma 17 Janoary 2020

45 andro sisa no fe-potoana omen’ny antokon-draharaha misahana ny fitaterana an-tanety na ny ATT ho an’ireo kaoperativa rehetra manerana ny Nosy mba hanavaozan’izy ireo ny antontan-taratasy ho amin’ny ara-dalàna.

Tafiditra ao anatin’izany ny fanavaozana ny fahazoan-dalana hivezivezy, ny « licences »,.... Hatreto mantsy raha ny vaovao azo dia kaoperativa 240 amin’ireo 330 misy no efa nahavita nanavao ny azy tamin’iny taona 2019 efa nivalona iny. 45 amin’ireo kaoperativa ireo no nanavao ny « licence » sy nanao sonia ny bokin’andraikitra vaovao ary nanaiky fa hanaja izany. Ny mampalahelo anefa dia toa mijanona an-tsoratra sy am-bava fotsiny ihany izany fa tsy misy ny tena fampiharana. Anisan’ny tena mangidy ho an’ny mpandeha, ohatra, ny fihodinana an-dalana izay voararan’ny lalàna mihitsy, ny fanariana mpandeha eny an-dalana….nefa mbola betsaka ireo taksibe manao izany. Inoana, araka izany, fa hisy ny fanaraha-maso hataon’ny ATT aorian’ity hetsika izay hotanterahin’izy ireo ity ho fiarovana ny tombontsoam-bahoaka.

Pati