Sosialy

Kaoperativa ao Vohidahy Amoron’i Mania Niofana momba ny fiompiana trondro sy fambolena kafe

Sosialy
Talata 23 Novambra 2021

Nahazo fampiofanana momba ny fiainana anatiny sy fitantanam-bola ny kaoperativa miisa teo tao amin’ny kaominina ambanivohitr’I Vohidahy, 45km lalan-tany avy ao amin'ny distrika Ambositra, Faritra Amoron’I Mania.

Nofanin’ny DRICC (Direction Régionale de l’Industrie, du Commerce et de la Consommation) an'ny mpikambana an'ireto kaoperativa ireto, izay miompana manokana amin'ny fiompiana trondro, akoho, ary fambolena kafe sy lavanila. Notolorana azy ny taratasy manamarika ny fijorony ara-dalàna taorian'ny fiofanana azony. Nanampy tamin'ny fikarakarana ny fampiofanana ny Fikambanana tsy miakina amin'ny Fanjakana Tsiry Mad, sy ny Tsiry Parm. Ankoatra ny asa fiarovana ny zon'ny mpanjifa, dia isan'ny andraikitry ny Ministeran’ny Fampiroboroboana ny Indostria, ny Varotra sy ny Fanjifana ihany koa ny manome fanofanana an'ireny kaoperativa ireny, amin'ny alalan'ny Fitaleavam-paritra manerana ny Nosy, hoy ny fanazavana.
Toky R