Sosialy

Kaominina Tanambao-Daoud Tafakatra 30.000Ar ny saran’ny fanamboarana kopia nahaterahana

Sosialy
Alatsinainy 05 Jolay 2021

Mafy ny mahazo ireo Ray aman-dRenin’ny mpianatra any amin’ny kaominina ambanivohitra Tanambao-Daoud, distrikan’i Sambava.

Tafakatra hatrany amijn’ny 30.000 Ar mantsy ny saran’ny fanamboarana kopia mari-pahaterahana ho an’ny zaza iray ny zoma 02 jolay lasa teo. Mba tsy hiandrasan’ireo olona mila taratasy ela no voalaza fa antony mahatonga izany raha araka ny fitantaran’ireo olona niharan’izany. Miaraka amin’ny dika mitovy roa io notakiana 30.000 Ar io raha tiana ho vita maika izany. Tsy nanan-tsafidy araka izany ireo Ray aman-dReny voakasika fa voatery nandoa io volabe io noho ny hamehana.
Nangonin’i Pati