Sosialy

Kaominina Talatamaty Hahazo toerana daholo ireo mpivarotra amoron-dalana

Sosialy
Alatsinainy 24 Septambra 2018

Vita ny asa fanorenana ny tsena vaovaon’ny tantsaha, nampitondraina ny anarana hoe : tsena Fivoarana ao amin’ny kaominina Talatamaty, distrikan’Ambohidratrimo.

Ny Vondrona Eoropeanina no anisan’ny namatsy vola ny asa rehetra izay manamorona iny lalam-pirenena fahefatra iny. Anaty faritra voafefy no misy azy. Ankoatra ny tsenan’ny tantsaha izay mahazatra eo amin’ity toerana ity dia natao indrindra hanomezana toerana ireo mpivarotra amoron-dalana rehetra ny tsena Fivoarana, mahazaka mpivarotra an-jatony. Ankoatra ny tsena dia nambaran’ny Ben’ny tanàna Rado Razafindratsimba ihany koa fa nasiam-panamboarana ny zaridaina lehibe eo afovoan’ny tanànan’i Talatamaty. Ny 27 septambra ho avy izao no hotokanana amim-pomba ofisialy ireo fotodrafitrasa rehetra ireo izay natao indrindra hanomezana endrika ny tanàna sady ho tombontsoan’ny mponina eny an-toerana. Arahina fanolorana mari-pankasitrahana ho an’ireo mpiasa nahavita be, indrindra tao amin’ny kaominina Talatamaty izany.

Pati