Sosialy

KAOMININA TALATALATY Notsirihina ireo mpanary rano maloto eny amin’ny lakan-drano

Sosialy
Alarobia 31 Aogositra 2022

Tsy azo atao ary voararan'ny lalàna ny fanariana rano maloto eny amin'ny lakan-drano fandehanan'ny ranon'orana. Mbola betsaka anefa ireo tokantrano manao izany fa tsy miezaka ny manamboatra puisard

mba hivarinan’ny rano maloto avy ao aminy. Manoloana izany indrindra dia nidina isaky ny elakelantrano ireo teknisianina sy ireo zandarimaria ao Talatamaty ary ireo tompon’andraikitry ny kaominina omaly. Anisan’ny asa nataon’izy ireo tamin’izany ny nanentana ny olona mba hanao "puisard", indrindra amin’izao ankatoky ny fotoam-pahavaratra izao. Izany no natao mba hiarovana ny fotodrafitr'asa iombonana. Raha sanatria ka tsentsina mantsy ireny lakan-drano fivarinan’ny ranon’orana ireny indrindra raha tratran’ny sachet plastika sy ireo karazam-pako mavesatra avy any an-tokantrano dia ho tonga ho azy ny tondra-drano ary ireo vahoaka manao izany ihany no hifoteran’ny rambony. Ankoatra ity fitsirihana lakan-drano ity moa dia fantatra fa nalana daholo ihany koa ireo fako nivangongo tao amin’ity kaominina iray ity. Ny Governora’ny Faritra Analamanga Hery Rasoamaromaka sy ireo mpiara-miasa no nanome ny fitaovana nentina nanatanterahana izany. Tafiditra ao anatin’ny fiomanana amin’ny fotoam-pahavaratra avokoa moa izany ankoatra ny fitandroana ny resaka fahadiovana.

Pati
Legende : Nandritra ny fitsirihana ireo lakandrano notanterahin’ireo teknisiana omaly.