Sosialy

Kaominina Morarano Gara RN 44 Hiharan’ny didin’ny be sandry ny saribao vokarin’ny mponina

Sosialy
Sabotsy 03 Novambra 2018

Araka ny fitarainana ataon’ny mponina any an-toerana dia heno izao fa noraofin’ny andian’olona milaza ho mpiasan’ny Fanalamanga miaraka amin’ny vatana zandary vitsivitsy tsy nampiseho taratasy mazava nanomboka tamin’ny alakamisy 1 novambra nitohy omaly zoma 2 novambra 2018 ny saribao novokarin’ny olon-tsotra monina ao Amboarabe fokontanin’i Marofody

kaominin’iMorarano Gara RN 44 izay mazava loatra fa tafiditra ao amin’ny faritr’ity orinasa Fanalamanga. Avy amin’ny ala novolen’ireto olon-tsotra ireto araka ny fifanarahana tamin’ny orinasa Fanalamanga efa taloha elabe izany. Mbola miampy fandrahonana fanagadrana an’ireo tompona saribao nalaina ireo izany. Ny hany fanampim-baovao azo ihany koa dia ny filazana ireto andiana olona ireto fa hoe : iraka avy amin’ny Tale Jeneralin’ny orinasa Fanalamanga izy ireo. Ny fanontaniana mipetraka dia ny hoe : sao dia misy hifandraisany amin’ny resaka politika ao anatin’izao fanatanterahana ny fampielezankevitra izao ity resaka ?

Ntsoavina Evariste