Sosialy

Kaominina Ivato Tsy afaka handefa maimaimpoana ny CAN indray

Sosialy
Talata 18 Jona 2019

Ho fanajana ny fifanarahana manokana teo amin'ny fitondram-panjakana Malagasy sy ny CAF, momba ny fandefasana ilay lalao fifaninanana baolina kitra CAN 2019 hatao any Egypta,

hanomboka ny zoma 21 jona dia fantatra fa tsy afaka handefa izany maimaimpoana ho an’ireo mponina ao aminy indray ny kaominina Ivato. Maneho ny fialan-tsiny amin’ireo izay efa nanantena ny ben'ny tanàna, Penjy Randrianarisoa. Tsiahivina fa saika hotontosaina ao amin'ny tranompokonolona Ivato sy ny fokontany samihafa ao an-toerana ity fijerena mivantana ny CAN 2019 ity ho fitsinjovana ireo tsy manana fahitalavitra sy ireo te hanatrika miaraka amin’ny namany. Miantso ny rehetra anefa izy hiara-kientana sy hanohana am-po ny ekipam-pirenena Barea tsy handraraka ilo mby an-doha ny voninahi-pirenena.

Pati