Sosialy

KAOMININA IVATO Nizara fanampiana ho an’olona 1100 isa

Sosialy
Alakamisy 30 Desambra 2021

Olona miisa 1.100 no nozaraina fanampiana omaly tao amin’ny kaominina Ivato. Nahitana fotsimbary, kafe, siramamy ary sira izany niampy paty hahafahan’izy ireo miatrika ny fetin’ny faran’ny taona sy ny taom-baovao sambatra

manomboka rahampitso. Somary nihena io isa io raha oharina tamin’ny taon-dasa raha araka ny fanazavan’ny Ben’ny tanana Penjy Randrianarisoa. Nahatsiaro ho sahirana tanteraka mantsy ny ankamaroan’ireo orinasa teny an-toerana vokatry ny fandalovan’ny valan’aretina covid 19 ka vitsy no namaly ny antson’izy ireo. Na izany aza hoy ny Ben’ny tanana Penjy Randrianarisoa dia hetsika efa fanao isan-taona ny tahaka izao ary mbola nisy hatrany ihany koa ireo orinasa namaly ny antso na samy tra-pahasahiranana aza. Olona notsongaina avy amin’ny Fokontany miisa 13 moa ireo 1.100 isa ireo izay nomarihin’ity Ben’ny tanana ity fa zokiolona sy sahirana ny ankamaroany.
Pati
Legende : Nandritra ny fizarana omaly notarihin’ny Ben’ny tanana Penjy Randrianarisoa !