Sosialy

Kaominina Antananarivo Misokatra ny fandoavan-ketra

Sosialy
Sabotsy 14 Jolay 2018

Mampafantatra sy manentana ny vahoaka ato anatin’ny Boriboritany 6 eto an-drenivohitra ny kaominina Antananarivo Renivohitra (CUA), fa efa nivoaka ny hetran-trano 2018.

Manentana ny rehetra handoa izany eny amin’ny fandoavan-ketran’ ny Boriborintany misy azy avy. Izay tsy mbola nahefa ny hetra dia afaka manatona izany. Ny”Quittance” manan-kery dia izay homen’ny tompon’andraikitra eny amin’ny boriborintany fandoavan-ketra ihany. Raha misy fanamarihana manokana na fanazavana hafa mikasika izany dia afaka manatona ny varavarana laharana 82, rihana faha-3 eny amin’ny Lapan’ny Tanàna Analakely na eny amin’ny Boriborintany misy azy avy. Marihana fa efa nisy ny taratasy fampatsiahivana ho an’ireo tsy nahaloa teo aloha, hoy ny CUA. Adidy tokony hefaina ny hetra ho fanatsarana hatrany ny tanànan’Antananarivo, mba ho soa iombonan’ny Malagasy, hoy ny fanentanana.

Toky R