Sosialy

Kaominina Ampitatafika Tsy ampy handoavana ny karaman’ny mpiasa ilay fanampiana azo

Sosialy
Alatsinainy 24 Aogositra 2020

Efa azo tamin’ny herinandro teo ilay fanampiana 15 tapitrisa Ar anjaran’ny kaominina Ampitatafika avy amin’ny Fitondram-panjakana. Na izany aza anefa dia nomarihin’ny Ben’ny tanana Rado Ramparaoelina fa tsy ampy nandoavana ny karaman’ny mpiasa izany izay tafakatra 17 tapitrisa Ar.

Ny hetra anefa etsy an-daniny nidina hatrany amin’ny 1 na 2 % hatramin’ny nisian’ny fihibohana teto amintsika raha efa tafakatra hatrany amin’ny 65 % izany teo aloha. Manoloana io tsy fahampiam-bola misy eo anivon’ny kaominina Ampitatafika Atsimondrano io dia fantatra fa miverina manao fanentanana momba ny fandoavan-ketra eny ifotony indray ny kaominina ankehitriny hahafahana mamerina izany amin’ny laoniny tsikelikely. Nampitomboina ho fito ihany koa ireo olona manao certification sy legalisation eo anivon’ny kaominina amin’izany mba hahafahana mampitombo ny vola miditra.

Pati