Sosialy

Kaominina Ambavahaditokana Nahazo fotodrafitrasa fikorianan’ny rano

Sosialy
Zoma 03 Aogositra 2018

Mihetsiketsika ny eny amin’ny kaominina Ambavahaditokana Itaosy eny amin’ny distrikan’Atsimondrano.

Noraisina tamin'ny fomba ofisialy omaly mantsy ireo fotodrafitrasa manamora ny fikorianan'ny rano sy ny fivezivezen'ny olona, indrindra amin'ny fahavaratra. Hisitraka sy hahazo tombontsoa mivantana amin'izany ny fokontany Ambohimarina sy Antanjona. Misy ihany fotodrafitrasa iray eny Ampahasivina izay iraisana amin'ny kaominina Itaosy. Nitarika lanonana fandraisana ireo zava-bita ireo ny ben'ny tanànan'ny kaominina Ambavahaditokana Ratinarivo Bruno sy ny talem-paritry ny fambolena sy ny fiompiana. Nankasitraka ny asa vita ny mponina saingy nanamarika ihany koa fa mbola misy izay tokony hatao raha io resaka fefiloha sy taboka io no asian-teny. Tsy vao sambany tamin’ny fotodrafitrasa vita tao amin’ny kaominina Ambavahaditokana izao tafapetraka izao, ary tsy ambanin-javatra ny fikojakojana azy ireny.

Toky R