Sosialy

Kaominina Alasora Mpianatra 5200 notolorana fanomezana

Sosialy
Alakamisy 24 Desambra 2020

Nijery manokana ireo ankizy mpianatra sy mpampianatra rehetra tao amin’ny

faritra misy azy ny kaominina Alasora, tarihin’ny Ben’ny tanàna Randriantsoa Jimmy omaly. Ankizy mpianatra 5200 no nahazo tombontsoa tamin’izany niainga tamin’ny sekoly ambaratonga fototra, niampita tamin’ny sekoly ambaratonga faharoa niazo ny lisea izay samy sekolim-panjakana avokoa. Kilalao, vatomamy, sokola no natolotra ireo mpianatra tsy an-kanavaka tamin’izany raha notolorana pannier garnie ihany koa ireo mpampianatra 241 isa manerana ny ZAP-n’Alasora. Nambaran’ny Ben’ny tanàna Jimmy Randriantsoa nandritra izany fa saika nitodika bebe kokoa tany amin’ny resaka fanatsarana ny fanabeazana izy ireo tamin’ity taona 2020 ity ka mbola tafiditra ao anatin’izany izao fahatsiarovana ny ankizy mpianatra rehetra amin’ny ankatoky ny fankalazana ny fetin’ny Noely izao. Notsiahiviny manokana moa ny mikasika ireo mpampianatra FRAM fa noho ny mbola tsy nandraisan’izy ireo ny tambin-karamany no antony nanampiana sy nankasitrahana azy ireo tahaka izao izay noraisin’ny kaominina an-tanana mihitsy. Mitentina 8 hatramin’ny 10 miliara Ar ny vola lany tamin’izany, tohana avy amin’ny kaominina sy ireo malala-tanana maro samihafa.

Pati