Sosialy

Kaominina Alakamisy Fenoarivo Nampian'ny Ben'ny tanàna ireo ankizy hanala CEPE

Sosialy
Zoma 08 Mey 2020

Nozaraina kiraro avokoa ireo ankizy mpianatry ny sekolim-panjakana hiatrika ny fanadinam-panjakana CEPE ao anatin’ny kaominina Alakamisy Fenoarivo, distrikan’Antananarivo Atsimondrano.

Ny Ben’ny tanana Rakotobe Jean Christian, tohanan’ny Antoko Tia Tanindrazana sy ny vady andefimandriny no nanolotra izany, mba hampiasain’ny mpianatra amin’izao fidirana ao anatin’ny vanim-potoanan’ny hatsiaka izao. Raha tsiahivina tokoa mantsy dia vitsiana ireo ankizy eny ambanivohitra no mba manao kiraro feno sy mafana rehefa ririnina. Saika miaina amin’ny kapakely hatrany izy ireny, hany ka maro ireo vakivaky tongotra tsy fidiny. Ireo mpianatry ny EPP Ambohimarina I sy II ary Ankadivory no nahazo tombontsoa tamin’izany, miisa 150. Tao anatin’ny hafaliana no nandraisan’ireo mpianatra izany izay nanaovana avy hatrany. Velom-pisaorana ity Ben’ny tanàna ity avokoa moa ireo Ray aman-dRenin’ny mpianatra eny an-toerana.

Pati