Sosialy

Kaominina Alakamisy Fenoarivo Nahazo fotodrafitrasa vaovao

Sosialy
Alatsinainy 10 Febroary 2020

Mbola betsaka ireo Malagasy manao maloto ankalamanjana amin’izao.

Ho an’ireo mponina eny amin’ny faritra iva dia ny 20 % monja no mba manana toeram-pivoahana isan-tokantrano fa ny ankoatra izay dia mitambatra amin’ny besinimaro na koa manary maloto any anaty tatatra. Voavaha ny olana ho an’ny kaominina Fenoarivo, distrikan’Antananarivo Atsimondrano. Nahazo toeram-pivoahana vaovao ity kaominina iray ity, miorina ao amin’ny tsena, toeram-pivoahana ho an’ny dahalobe fahatelo. Vokatry ny fiaraha misa teo amin’ny Centre Ketsa, ny zazakely sambatra ary ny kaominina Alakamisy Fenoarivo no angady nananana sy vy nahitana izany. Famatsiam-bola avy amin’ny The urgency RUN Paris no nahafahana nanatanteraka ny asa izay mitentina 30 tapitrisa Ar raha araka ny fanazavan’i Boni, Ben’ny tanàna avy amin’ny tsy miankina, tohanan’ny Antoko Tia Tanindrazana. Raha tsiahivina moa dia efa 23 taona no niorenan’ny Centre ketsa tao amin’ity kaominina ity, manampy sy manohana ireo fianakaviana sahirana ao Alakamisy Fenoarivo. Lohalaharana amin’izany ny fanohanana ireo ray aman dreny sahirana, eo ihany koa ny fampianarana ireo olon-dehibe tsy mahay mamaky teny sy manoratra….