Sosialy

JIRAMA Nitohy omaly ny famerenana ny jiro tapaka

Sosialy
Talata 07 Janoary 2020

Faritra maro hatramin’ny omaly no mbola niaina tao anatin’ny fahatapahan-jiro lavareny na ilay antsoina hoe : delestazy. Anisan’izany ny teny Ambohimangakely…

Mbola mitohy amin’ny famerenana ny herinaratra amin’ny laoniny araka izany ny orinasa JIRAMA.Efa tontosa avokoa raha tsiahivina ireo asa fanarenana vonjimaika ireo "pylônes" lehibe mitondra herinaratra 138 000 V eny Behintsy sy roa hafa mitondra 63 000 V eny Alasora, izay nazeran'ny rivotra sy ranon’orana tamin’iny faran’ny herinandro teo iny. Tokantrano miisa 20 000 no lasibatra tamin’izany izay efa afaka misitraka herinaratra avokoa ny ankamaroany hatreto raha ny eto an-drenivohitra sy ny manodidina. Mbola eo am- panarenana ireo andrin-jiro kely nianjera amin'ny tany kosa anefa ny JIRAMA hatramin’ny omaly na dia izany aza. Andrin-jiro 15 tamin'ireo 40 nianjera no efa voaarina. Telo kosa sisa ny andrin-jiro mitondra herinaratra MT no tsy voaarina ka eny Ankadinandriana ny roa amin’izany raha eny Mantasoa kosa ny iray.

Pati