Sosialy

Jirama Antananarivo Renivohitra Hotohizana ny fampiakarana ny tanjaky ny herinaratra

Sosialy
Talata 09 Jolay 2019

Tsy mandritra ity CAN 2019 ity ihany no hiezaka hampitombo ny tanjaky ny herinaratra amin’ireo faritra maro eto an-drenivohitra ny orinasa JIRAMA, raha araka ny fanazavana azo.

Taorian’Ambodivona, 67 ha, Ambanidia… dia faritra valo indray no tafiditra ao anatin’ny fandaharam-potoanan’ny JIRAMA hanaovana izany toy ny eny Anosibe Angarangarana, Ambodimanga, Namontana, Antsahatsiresy ( Sabotsy Namehana), Ambodifasina, Ambohidratrimo ary Ambohibao Antehiroka. Efa nanomboka omaly ny asa. Tanjon’izy ireo amin’izany ny hanatsarana ny tolotra omena ny isan-tokantrano entina hanomezana fahafaham-po ny mpanjifa. Mikasika ny ny fampitomboana ny isan’ireo mpanao dépannage kosa raha sanatria tapaka tampoka ny jiro eo am-pijerena baolina dia fantatra fa mandritra ny CAN ihany no hanaovana izany hahafahan’ny Malagasy miray fo sy sina amin’ny ekipam-pirenena BAREA. Tsiahivina moa fa efa tafakatra 480 Kva ny tanjaky ny herinaratra miainga eny Ambodivona amin’izao raha 320 Kva teo aloha.

Pati