Sosialy

Partagé sur :
• facebook

Mihamahafy hatrany ny fampijaliana ataon’ireo taksibe ao amin’ny zotra KOMAFILA mampitohy an’ny Cnaps Ampefiloha amin’ny Cité des assureurs Itaosy ankehitriny,

indrindra taorian’ny nilatsahan’ny ranon’orana.  Vao maraina miainga any amin’ny tobim-piantsonana  Itaosy mantsy izy ireo dia efa milaza fa eny Anosizato no farany ary tena sahiny tokoa ny manary ireo mpandeha eny an-toerana. Rehefa hariva indray dia lalovan’izy ireo fotsiny ny tobim-piantsonana toy ny eny Soanierana sy Ankadimbahoaka ka raha mbola misy mpandeha misisika hiditra dia ilany vaniny.  Hanontaniany hatrany hoe : aiza no miala raha efa fantany tsara  izao fa hamonjy fodiana eny Itaosy. Rehefa hitany fa miezaka mitaky ny zony ireo mpandeha ary tsy mamaly ny fanontaniany dia havoakany eny am-pandehanana avy hatrany sady mbola arahiny rahom-bava ihany koa. Mpandeha maromaro no nataona  mpamily sy mpanampin’ny mpamily ao amin’ny zotra komafila  izany afak’omaly na dia avy aza ny orana. Betsaka tamin’ireo mponin’Itaosy moa no efa nanatona ny filohan’ity koperativa ity saingy tsy nahazo valiny mahafa-po. Asainy mandrakitra an-taratasy ny fitarainany ireo mpandeha nefa tsy misy akory ny fandraisana fepetra. Hangatahina ny antokon-draharaha misahana ny fitaterana an-tanety sy ny minisiteran’ny fitaterana mba hijery manokana ity zotra komafila mihazo an’Itaosy ity sy ny komifi izay samy misy tsipika manga ny valahiny.

Pati

Tia Tanindrazana

Samia mijoro ho an'i Gasikara.