Sosialy

Itaosy Notsindronin’ny vadiny ny antsy ilay tovolahy

Sosialy
Alatsinainy 25 Martsa 2019

Tovolahy iray vao erotrerony no voatsindron’antsy teny Itaosy omaly.Naratra ny tovolahy kanefa raha ny fampitam-baovao farany voaray tamin’ny nanoratana dia tsy misy ahiana ny momba ny ainy.

Teo amin’ny kibony no voa ary raha nyfantatra dia ny vadiny ihany no nanindron’antsy ity tovolahy ity.Mifamaofao be ihany ny vaovao saingy fantatra kosa fa nisy ny fifandirana teo amin’ny roa tonta, nipoitra ny fifamaliana ka mety niakatra mafy ny feo angamba dia niafara tamin’ny fikasihan-tanana toa izao.Tsapa tato ho ato izay fa miha mahery setra tokoa ny olona, tsy mijanona amin’ny fifamaliana intsony fa tsy maintsy miafara amin’ny fifampikasihan-tanana foana, ary indrisy fmisy ireo mmaratra, mitondra takaitra ary mamoy ny ainy mihitsy aza.Sokajiana ho faritra mena amin’ny herisetra sy ny tsy fandriampahalemana ny eny Itaosy, maro be ny mponina eny avy amina faritra maro eto amin’ny nosy ary samy manana ny seha-pihariany sy ny fombany.Tena maro be ihany koa ny fivarotana zava-pisotro misy alikaola, ary anisan’ny faritra malaza amin’ny fifohana rongony ny eny Itaosy sy ny manodidina.Izay angamba no mampirongatra ny herisetra isan-karazany eny an-toerana, izay tsy mijanona amin’ny fanafihana intsony fa efa tena tonga hatrany amin’ny ady an-tokantrano koa izany.

Nangonin’i RTT