Sosialy

Imorona - Mananara Avaratra Naolany ny zafikeliny vao 11 taona monja

Sosialy
Alarobia 27 Mey 2020

Tsy tsara intsony ny mahatokitoky olona. Lehilahy iray 58 taona efa Dadabe no nahavita nanao herisetra ara-nofo tamin’ny zafikeliny vavy vao 11 taona monja tany Imorona, distrikan’i Mananara Avaratra.

Ny misandratr’andron’ny 22 mey lasa teo no nitrangan’izany. Tsy nahatanty izany ireo fokonolona tao an-tanana ka avy hatrany dia nisambotra ity dadabe tsy mataho-tody ity niaraka tamin’ny polisy kaominaly. Natolotra ny zandary ny atoandron’ny 23 mey 2020 lasa teo ny lehilahy noho izany. Notazomina natao famotorana avy hatrany izy ary efa natolotra ny fampanoavana. Tsiahivina moa fa mpamboly ity lehilahy nanolana ny zafikeliny ity.

Pati