Sosialy

Imerintsiatosika Olona 11 nafenina tao anaty kamiao

Sosialy
Alakamisy 11 Jona 2020

Kamiao mpanangom-bokatra hiakatra ho aty Antananarivo no fantatra omaly fa tra-tehaky ny Polisy tetsy Imerintsiatosika.

Nitondra sy nanafina olona miisa 11 hoentina hiakatra an-tsokosoko eto an-drenivohitra izy io, raha ny fampitam-baovao voaray. Nafenin'ilay mpamily tao aorian'ireo vokatra nentiny ireto olona ireto saingy tra-tehaky ny Polisy mpanao sakana izany ka dia nahiboka na nampidirina "fourrière" avy hatrany ilay fiara . Ireo mpandeha tao anatiny kosa dia nentina avy hatrany teny amin'ny biraon'ny Polisy ary nanokafana fanadihadiana.

J. Mirija