Sosialy

Partagé sur :
• facebook

Efa azo sitranina tsara eto amintsika ny aretina homamiadana fa tsy voatery mandeha any ivelany intsony ny marary.

Lohalaharana amin’izany ny homamiadan’ny nono sy ny vozon’ny tranonjaza mpahazo ny  vehivavy sy ny aretina prostate mpahazo ny lehilahy.  Tonga nitsidika ny asa fanavaozana ny ivontoerana hitsaboana ny aretina homamiadana tetsy amin’ny hopitaly CHU-JRA Ampefiloha ny filoham-pirenena Hery Rajaonarimampianina mivady omaly. Fantatra fa hovitaina hatramin’ny faran’ny taona ny asa izay iarahana amin’ny mpamatsy vola avy any ivelany. Firenena efatra ihany no nahazo ity tolotra ity ka anisany i Madagasikara.  Taorian’izay dia nitsidika ny fizotry ny asa ao amin’ny hopitaly Befelatanana ihany koa ny filoha mivady ka anisan’ny nojereny ilay toerana fanodinana sy fanapotehana   fako avy ampiasain’ny marary mba hiarovana ny fahasalamam-bahoaka.  Teo koa ny amin’ny urgence izay nametrahana fitaovana maoderina sy raitra toy ny scanner sy ny échographie, ilay fitaovana fijerena ny fahasalaman’ny marary tsirairay avy na ilay antsoina hoe : monitoring. Tsy latsa-danja amin’izay ny toerana natokana ho an’ireo tompon’andraikitra ambony manaraka fitsaboana nefa tsy afaka mifanerasera amin’ny olon-tsotra sy ny toerana hahafahana mitsabo manokana ny aretin’ny ativava. Nambaran’ny filoha fa ezahina haparitaka any amin’ny faritra ny fanatsarana fotodrafitrasa fitsaboana tahaka izao ary hisy CSB miisa 250 hosokafana manerana an’i Madagasikara. Efa azo hitsaboana ny aretina homamiadana ihany koa ny hopitaly Befelatanana.

Pati

Tia Tanindrazana

Samia mijoro ho an'i Gasikara.