Sosialy

Homamiadana sy aretin’ny vanintaolana Mitarika fanaintainana mafy

Sosialy
Talata 22 Oktobra 2019

Betsaka ireo olona miaina fanaintainana hatrany eto amintsika eo amin’ny lafiny ara-pahasalamana.

Misy ireo mandalo aretin’andoha saingy matetika raha misy koa ireo miharitra izany mandavan-taona mihitsy. Mety hiteraka voka-dratsy lavitra anefa ny tsy fanatonana mpitsabo, hoy ny profesora Nicole Rakotoarison filohan’ny CLUD omaly na ny komity miady amin’ny fanaintainana. Nanamarika ny andro maneran-tany iadiana amin’ny fanaintanana izy ireo omaly. Ankoatra ny fizaham-pahasalamana maimaimpoana, indrindra ho an’ireo miharitra fanaintainana lava dia nisy ihany koa ny fanentanana natao tamin’ny sararababem-bahoaka tetsy amin’ny hopitaly HJRA Ampefiloha. “Manan-jo tsy hiharitra fanaintanana ianao” no loha-hevitra novohboasana izay nahasarika olona marobe tokoa. Fantatra fa ireo manana vanintaolana manaintaina lava, ireo lasibatry ny aretin’ny homamiadana izay nahitana ankizy maromaro no tena maro tamin’ireo marary tonga nanatona azy ireo. Misy amin’ireo karazana fanaintainana moa, hoy hatrany ity profesora ity no ilana fanafody raha misy ihany koa ireo sitran’ny hypnose, musicotherapie….

Pati