Sosialy

Partagé sur :
• facebook

Nivoaka tamin’ny fahanginanany ireo mpampivelona manoloana ny fitoriana ny rahavaviny tao Moramanga.

«Mpampivelona fa tsy mpamono olona ny rahavavinay. Tsy vehivavy adalam-bola fa vehivavy tsara fanahy, mamy hoditra sy ampy traikefa amin’ny fampiterahana ny rahavavinay mpampivelona tao

Moramanga”. Izay no tenin’ireo rasazy 60 latsaka kely tafaresaka tamin’ny mpanao gazety nandritra ny tafatafa ny zoma hariva tolakandro teo. Nanatanteraka fifampiarahabana nahatratra ny

taona 2019 ho an’ny holafitry ny mpampivelona tetsy amin’ny “Live hotel” Andavamamba ny teto amin’ny Faritra Analamanga ary tonga nanome voninahitra izany ny holafitra nasionaly sy ireo

solontena maro avy amin’ny faritra manerana ny Nosy. Ny holafitry ny rasazy Faritra Analamanga no mikarakara fa tsy anavahana mpampivelona rehefa miasa eto Antananarivo, nanasana ny

tompon’andraikitra manerana ny Nosy sy izay afaka ihany koa, hoy i Lalanirina Raoeliarisoa, tompon’adraikitra voalohany amin’ny holafitry ny mpampivelona Analamanga.

Ireo tompon’andraikitra maro nasionaly nantontaniana mikasika ilay raharaha Moramanga nahafaty renim-pianakaviana mpiteraka sy ny zanany tao an-kibo, iray volana lasa izay dia miezaka

manaraka ny torolalan’ny minisitera mpiahy mba hitandro ilay fahendrena Malagasy hoe : “izay mangiana volamena”. Ireo rehetra nifanerasera tamin’ilay mpampivelona voapanga anefa tsy nihambahamba nilaza fa tsy olona liam-bola izy io, mahafoy tena amin’ny olona sahirana hatrany. Tsy marina ny feo nandeha fa tsy te hizara ilay vola karamany manokana nifanarahana izy. Tsy nisy akory izany vola izany. Misy rasazy hafa ihany koa nisafidy ny tsy hotononina anarana nanamafy fa maro be ireo fianakaviana efa nampiterahany ka tafita soaman-tsara nandritra izay 32 taona niasany izay.

Haja Nirina

Tia Tanindrazana

Samia mijoro ho an'i Gasikara.