Sosialy

Hofan-trano Niakatra 10 % ny ankamaroany

Sosialy
Talata 14 Janoary 2020

Fotoana fampiakaran’ny tompon-trano ny hofany ny taona vaovao tahaka izao.

Raha araka ny fanadihadiana natao dia betsaka tamin’ireo mpanofa trano no efa nahazo fampilazana mifandraika amin’izany, eny fa na dia ireo mpiasa tsotra tsy nahazo ilay fiakarana 13 % aza. Manodidina ny 10 % eo ny fiakarana raha 100.000 Ar ny mora indrindra amin’izao, efitrano iray tsy misy rano fa mantsaka eny amin’ny paompy saingy misy jiro kosa. Isaky ny faran’ny volana no tsy maintsy aloa ny hofan-trano na faha dimin’ny volana hitsahina farafaharatsiny. Niakatra nanaraka izany ihany koa ny vidin-tany raha araka ny fanadihadiana natao tamina « agence » iray. 10 % eo ihany koa ny fiakarana ka ny eny amin’ny By-pass mihazo an’Alasora no tena lafo indrindra noho ny fisian’ireo teratany vahiny mifandrombaka mividy tany eny an-toerana. Nomarihin’ny mpiandraikitra ity agence ity manokana fa marobe koa ireo olona mitady trano amin’izao toy ireo monina eny amin’ny faritra avo ahiana hisy fihotsahana. Betsaka koa anefa ireo monina amin’ny faritra iva no maniry hipetraka amina faritra tsy azon’ny rano ka mahatsiaro ho sahirana izy ireo. Toy ny mahazatra dia ny antsasaky ny hofan-trano no alain’ny agence amin’ireo olona mitady izany sy ny tompony, toy izay koa ny tany.

Pati