Sosialy

Hofan-trano, faktiora amin`ny vola vahiny Tsy maintsy atao amin’ny Ariary manomboka izao

Sosialy
Alatsinainy 26 Oktobra 2020

Ao anatin` ny lamin'ny tanjona kendreny sy ny iraka ampanaovina azy, dia mampahafantatra ny Banky Foiben`i Madagasikara (BFM) amin` ny fametrahana ny fifanarahana fifanarahana fampanofana sy faktiora ary ny fandoavana izany amin`ny ariary.

Araka izany, ireo vidin` entana sy asa ao anatin` ny faritry ny fandin-tseranana, na koa ireo fifanarahana fampanofana trano sy ara-barotra (contrat de baux habitation et commerciaux). Misy tokoa ireo trano eto Madagasikara indrindra eto Antananarivo ka amin` ny sandam-bola vahiny euro na dolara no handoavana izany. Torak` izany koa ireo faktiora nomena olona na koa orinasa ka amin` ny sandany vola vahiny no hanefana izany teo aloha dia tsy maintsy aloa amin` ny vola ariary manomboka izao. Tsy voakasika izany kosa ireo orinasa afakaba izay mifandray mivantana amin` ny any ivelany, izay ivelan` ny faritry ny ladoany Malagasy ny fandoavana azy ireo. Manamafy ny BFM fa ny tsy fanarahana ireo fepetra ireo dia mety hiafara amin'ny fanenjehana heloka bevava. Ny fandikan-dalàna dia azo saziana amin'ny sazy voalazan'ny and. faha-473 amin'ny fehezan-dalàna famaizana

Marigny A.