Sosialy

Hihety no nivoahana ny trano Maty an-drano ilay tovolahy tokony hiatrika BEPC

Sosialy
Alarobia 19 Aogositra 2020

Tovolahy iray, 16 taona, no maty an-drano omaly raha nitsaka ny reniranon'i Sambava.

Avy nihety ity tovolahy ity, saingy tsy afa-po tamin’ny hetim-bolony ka nandeha niaraka tamin’ny namany iray mpiara-mianatra niverina tany amin’ny mpanety ao Antanifotsy, kartie iray ao Sambava tampon-tanàna. Tafalatsaka tao anaty lalina anefa izy tamin’izy roalahy niampita ny renirano, raha nandeha tongotra nandray lala-manitsy. Tafavoaka teo amorona ihany ilay tovolahy saingy efa tena nalemy. Niezaka niantso Fokonolona hamonjy ilay namany niara-niampita taminy, saingy mandrampiveriny dia efa tsy tana intsony ny ain’ilay tovolahy. Efa eo am-pelatanan’ny fianakaviany ny faty. Mpianatra taona faha-9 ao amin’ny CEG Antanifotsy Sambava, tokony hiatrika BEPC afaka iray volana ity namoy ny ainy ity.

Jean D.