Sosialy

Hetsika FEPA andiany faha-12 Hasongadina ny tontolo ambanivohitra

Sosialy
Zoma 21 Febroary 2020

Nampahafantarina omaly tetsy amin’ny foiben’ireo Malagasy matihanina amin’ny fambolena sy fiompiana etsy Nanisana na MPE omaly ny fanokafana indray ny hetsika foara FEPA

andiany faha-12 hotontosaina etsy amin’ny lapan’ny fanatanjahantena Mahamasina ny 21 ka hatramin’ny 24 mey izao. Tanjona amin’ny hetsika, raha ny fanazavana, ny mba hisian’ny sehatra hifandraisan’ireo sampandraharaha ao anatin’izay tontolo izay na mpamatsy izany na mpandraharaha. Eo koa ny fampiroboroboana izay mpiompy matihanina eto Madagasikara izay. Ao anatin’ny fankalazana ny faha 25 taonany rahateo moa ny MPE, izay tompon’antoka voalohany amin’ny fikarakarana ny foara. Miisa 4100 olona isan-taona eo no voaofan’izy ireo isan-taona ho amin’izay fidirana amin’ny sehatry ny matihanina izay, raha ny fanazavana hatrany, ary ankehitriny dia olona 170.000 no misitraka mivantana ny hetsika rehetra ao anatin’ity fikambanana ity. Manodidina ny 300 isa toy ny andiany efa lasa rehetra ihany kosa anefa ireo mpampiranty andrasana raha toa ka manodidina ny 30.000 ireo mpitsidika. Ho hita sy hasongadina ao avokoa ny sehatra rehetra amin’ny tontolo ambanivohitra, hoy hatrany ny mpikarakara ny hetsika.

J. Mirija